Познатата пејачка е во средината на европскиот дел од својата турнеја, а наскоро ќе настапи и во Виена.
Американската пејачка Тејлор Свифт во моментот е една од најпознатите ѕвезди во светот, а нејзините обожаватели ја следат на секој чекор. Ниту деталите од нејзината врска со спортистот Тревис Келси не можат да останат незабележани. Сега двојката повторно ја разгоре дебатата помеѓу нивните верни обожаватели, од кои некои веруваат дека Тејлор и Тревис се венчале во тајност, пишува британски „Мирор“.
Како што тврдат некои, ги открил еден детаљ во апартманот на клубот на Тревис, Канзас Сити Чифс, на стадионот „Ароухед“. Еден обожавател на клубот сподели фотографија од апартманот каде може да се види фотографија на Свифт на настапот во склоп на турнејата „Ерас“.
„Тејлор седи овде! Исто така, фактот што постерот од турнејата ‘Ерас’ стои овде е многу смешно”, напишал тој, а набрзо почнале шпекулациите дека парот се венчал.
„Се извинувам, но овие двајца се венчале. Тоа никогаш нема да го објават и апсолутно не мора. Веројатно ќе ни кажат на новиот албум, но вака прават венчаните луѓе“, бил еден од коментарите.
„Тејлор и Тревис дефинитивно се веќе венчани, само ние немаме поим за тоа“, напишал друг корисник.
Меѓутоа, имало и такви кои не се согласиле со тоа.
„Не постојат докази што укажуваат на тоа дека Тревис Келси и Тејлор Свифт се венчале. Шпекулациите веројатно потекнуваат од обожавателите кои забележале нов детаљ во апартманот на Келси на стадионот ‘Ароухед’, но тоа не ја потврдува врската помеѓу нив двајца“, напишал еден корисник на социјалната мрежа Икс, поранешен Твитер.
Инаку, Келси и Свифт се во врска од минатата година, а на почетокот тоа го криеја.
