Во популарните европски дестинации, како што се Франција, Шпанија, Италија и Грција, туристите се предупредуваат за опасната болест која ја пренесуваат комарците. Симптомите не треба да се потценуваат.
Туристката Кара Пајпер од Велика Британија открила како тоа може да го уништи одморот. Таа заминала на одмор од соништата со својата пријателка, кој брзо се претворил во ноќна мора. Добила денга треска.
„Тоа беше пекол. Се чувствував смртно лошо“, признала за ladibible.com.
Многу туристи не сфаќаат колку потенцијални опасности ги чекаат на одмор. За жал, не можеме да ги предвидиме сите болести и инфекции. Туристите кои планираат да се релаксираат во Франција, Шпанија, Италија или Грција во блиска иднина треба да бидат многу внимателни и подготвени. Денга треската, смртоносна инфекција, се шири низ популарните дестинации за одмор.
Најчести симптоми се:
• Силна болка во мускулите и зглобовите;
• Главоболка;
• Гадење;
• Отечени жлезди;
• Исип на телото.
Иако болеста обично се јавува во тропските земји, таа во Европа се шири поради климатските промени преку комарците.
„Буквално се чувствував како да ме удрил автобус. Целото тело ми беше тешко и болно. Мислев дека премногу сум уморна поради временската разлика. Морав да спијам 24 часа дневно. После 5 или 6 дена, се промени на подобро, но веројатно беа потребни околу 8 дена да помине сè. Спиев секаде каде што можев“, зборувала 22-годишната девојка од Единбург за „ladibible.com“.
Периодот на инкубација на болеста обично трае приближно 3-14 дена. Во 80% од случаите е асимптоматски, особено кај децата. Најважно е брзо да се открие инфекцијата, а самото лекување е симптоматско.
По консултација со лекар, обично се користат антипиретици и лекови против болка. Потребно е постојано да одморате и да го хидрирате телото. Во тешките случаи може да биде неопходно и болничко лекување.
