Сепак, иако тие можат да бидат корисни во многу случаи, не сите додатоци се исти, а некои може да имаат разни несакани ефекти. Ова важи и кога станува збор за здравјето на нашиот мозок.

Како што старееме, одржувањето на когнитивните функции станува сè поважно, а одредени додатоци во исхраната, кога се земаат во прекумерни количини, всушност можат да го нарушат помнењето и да придонесат за когнитивен пад. Невронаучникот специјализиран за превенција на Алцхајмерова болест, д-р Роберт Лав, неодамна на ТикТок ја нагласи важноста на претпазливост при земање додатоци во исхраната.

Тој предупреди на три додатоци кои можат да му наштетат на здравјето на мозокот ако не се земаат правилно.

Манган

Манганот, иако е неопходен во мали количини, може да доведе до сериозни невролошки проблеми доколку се консумира во големи дози. „Високото ниво на манган всушност може да доведе до симптоми слични на Паркинсоновата болест, како тремор“, предупредува д-р Лав.

Тој ги истакнал упатствата на Националниот институт за здравје, наведувајќи: „Горната граница за манган е 11 милиграми дневно за здрави возрасни лица, затоа погрижете се да останете многу под тоа ниво“. Значи, следењето на внесот на манган е од клучно значење за целокупното здравје.

Железо

Железото е есенцијален минерал, но високите дози може да имаат негативни ефекти врз здравјето на мозокот.

„Високите нивоа на железо може да доведат до губење на помнењето, па дури и да го забрзаат стареењето. Затоа, освен ако не сте направиле крвна анализа која покажува дека имате ниска содржина на железо, веројатно не ви е потребен додаток на железо“, вели невронаучникот.

Тој напоменува дека иако некои поединци како веганите може да имаат корист од суплементите на железо, на повеќето луѓе тоа не им е потребно. Сè на сè, секогаш е најдобро да се внесува железо директно од храната.

Бакар

Бакарот е уште еден минерал кој често се наоѓа во мултивитамините, но претераната количина може да биде штетна.

„Високото ниво на бакар всушност ги зголемува слободните радикали, кои можат да предизвикаат оксидативен стрес и оштетување на здравјето на мозокот“, предупредува д-р Лав. За да се спротивставите на негативните ефекти на бакарот, тој препорачува да се обезбеди соодветен внес на цинк, било преку додатоци во исхраната или преку храна богата со цинк.

„Цинкот всушност се спротивставува на слободните радикали на бакар и тоа помага да се заштити вашиот мозок, но умереноста е клучна“, заклучува невронаучникот.