Ова не е прв пат да се најде во судир, но никогаш во толку сериозен. Возејќи „BMW M4“ удрил во заштитна ограда во близина на „Волчјата дупка“ со обожавател на совозачкото седиште.

Удрил во оградата со брзина од 128 км/ч

Автомобилот не бил сериски, па Шарудин вели дека е невозможно да се обвини некој конкретен дел, но тој ја изгубил моќта на сопирање пред несреќата.

„Сведоците можат да потврдат дека автомобилот чудно падна пред Волчјата дупка, по што почна да чади и повеќе не можеше да сопира“, раскажува Шарудин во видеото.

Тој верува дека удрил во оградата со брзина од 128 km/h.

Минале со неколку гребнатинки

Ударите ги пратиле автомобилот во воздухот пред заштитната ограда да го закачи задниот дел од возилото и да го повлече назад на земја.

Настанатата штета е катастрофална. Хаубата, браниците и предните кочници се значајно оштетени.

Шофершајбната е скршена, а кровот има многу голема вдлабнатина. За чудо, Шарудин и неговиот обожавател излегле од уништеното возило без сериозни повреди. Имале неколку гребнатинки и заминале во болница на официјална проценка, но лекарите не утврдиле сериозни повреди.

Му ветил дека ќе му го замени автомобилот бесплатно

Уништениот „M4“ е понуден во одделот на „BMW“ на понатамошно проучување. Без оглед на тоа дали „BMW“ ќе прифати или не, Шарудин на својот обожавател му ветил дека ќе го замени автомобилот без никакви трошоци.

Дури и направил кампања на „GoFundMe“ за новиот автомобил да не биде ист како овој, туку и побрз. „Разгледуваме дали можеме да направиме убиец на GT3“, вели во видеото.

Несреќите со вакви резултати укажуваат на тоа колку денешната безбедносна опрема е добра. Не само што возилото само апсорбирало голем дел од потенцијалот за повреди, туку тоа го направила и заштитната ограда.