[ФОТО] Правен спор во Јужна Америка: Откриени две нови „вонземјански“ мумии од Перу, едната била бремена

Две новооткриени мумии, за кои се тврди дека се вонземјани, се во центарот на жесток правен спор во Јужна Америка.

Самопрогласениот експерт за НЛО Хаиме Мосан ја повикува перуанската влада да му дозволи да испрати две новооткриени „мумии“ во напредни лаборатории во САД за тестирање.

Тој ги цитираше колегите научници кои тврдат дека новите примероци содржат „30 отсто непозната“ ДНК.

Меѓутоа, перуанските археолози тврдат дека двете мумии, од кои едната е бремена, можеби се едноставно древни луѓе кои ги ископале разбојници на гробници.

Најновата битка на г-дин Маусан да докаже дека меѓу нас постојат вонземјани доаѓа откако тој посочи дека двете откриени фигури би можеле да бидат хибриди на вонземјани и луѓе. Тој направил почетни рендгенски и ултразвучни прегледи на телото во март годинава.

Колешката новинарка Џојс Мантила тврди дека на снимката се гледа дека бремената фигура, наречена Монсерат, во себе има фетус со три прсти „тридактил“, наведува британски „Експрес“.

Дебатата доживеала кулминација во април кога на прес-конференцијата на г-дин Маусан, на која биле претставени новите тела, упаднала перуанската полиција со намера да конфискува едно од новите мумифицирани тела.

Тој изјави за „Дејли мејл“: „Веќе е поднесена тужба за 300 милиони долари. Ќе преговараме со Перу да ни биде дозволено да ги извеземе примероците што ќе се направат во Америка“.