За време на овој експеримент им помогнале научници од Кралскиот колеџ во Лондон, кои ја следеле нивната тежина, телесните масти, нивото на холестерол и други параметри.

Идентичните близнаци правеле и тренинзи за издржливост пет до шест пати неделно, со цел да се подготват за идните експедиции. И двајцата консумирале ист број калории, без оглед на храната која ја консумирале.

Какви беа резултатите? За евиденција, ова е изолиран експеримент, а не општ заклучок за влијанието на видовите исхрана врз човечкото тело.

Го загубил либидото

По 12 недели веганска исхрана, нивото на холестерол кај Хуго се намалило. Имал доволно енергија во текот на денот, не бил уморен, а шеќерот во крвта се одржувал на многу постабилно ниво и немал осцилации на качување и паѓање како што имал пред овој начин на исхрана. Имал подобра концентрација, но од за него непознати причини, го загубил либидото.

На почетокот на истражувањето, Рос тежел 79 килограми и има 13 отсто масти, а благодарение на исхраната заснована на големи количини месо, добил четири килограми во мускулна маса и речиси два килограми маснотии, па процентот на телесните масти скокнал на 15 проценти. Нивоата на холестерол останаа исти во текот на целиот период.

Научниците собрале примероци од измет пред и по студијата и откриле дека микробиомите на Хуго се подобри во заштитата од хронични болести како што се дебелината и дијабетес тип 2. Кај Рос биле забележани мали промени врз микроорганизмите во миктобиомот, пишува Bored Panda.