Кинематографската љубовна приказна не мора нужно да биде романса, а најдобар доказ за тоа е Клинт Иствуд, кој има стекнато големо искуство во овој поглед.
„Мостовите на округот Медисон“ од 1995 година несомнено се издвојува како врв на неговите филмови со љубовна тематика. Таа приказна, номинирана за Оскар, зборува за фотограф кој се заљубува во домаќинка за време на неговата последна задача.
Но, постојат многу различни форми на љубов. Иствуд призна дека филмот „Девојка од милион долари“ во јавноста се проби како спортска драма, но според него тоа не е точно.
„Девојка од милион долари“ е за потрага по семејства, луѓе со соништа за успех и обид да се стигне до врвот“, објасни режисерот.
„Кога се обидов да ја продадам идејата за снимање на овој филм, сите прашуваа зошто боксерски филм, а притоа женски бокс. Реков дека тоа не е боксерски филм, тоа е љубовна приказна“, додаде Иствуд.
За среќа, Ворнер Брос можеше да ја разбере визијата на Иствуд и на тој начин беше снимен филм за потценет боксерски тренер кој е измачуван од совеста поради неговото минато и се обидува да најде откуп помагајќи ѝ на аматерска боксерка во нејзиниот кревок сон да стане професионалец. Филмот освои четири Оскари, вклучително и за најдобар филм.
"Хилари Свонк му станува блиска како ќерка на Морган Фримен во филмот. Тоа е љубовна приказна помеѓу татко и ќерка", тврди Иствуд.
За „Девојка од милион долари“Свонк и Фримен освоија Оскари, за најдобра женска улога и споредна машка улога.
