Јелена Карлеуша носеше ревија на модната недела во Париз заедно со светските ѕвезди, меѓу кои и Џорџина Родригез.
Станува збор за колекција на луксузниот моден бренд „Vetements“, кој е основан пред 10 години и речиси веднаш стана еден од омилените брендови на бројни познати личности, меѓу кои Ријана, Канје Вест и Мадона.
Српската пејачка на ревијата носела сива маичка со широки црвени панталони со странични линии и го привлече вниманието со избелените веѓи.
Како што споменавме, на пистата прошета и свршеницата на Роналдо, Џорџина Родригез, која носеше фустан во облик на дрес со неговото име и број.
Во шоуто учествуваа и Анвар Хадид, Александар Едвардс, Марша Крос, Вини Харлоу, Наталија Водјанова и други.
„Vetements“ е бренд основан од браќата Гурам и Демна Гвасалија, но во 2019 година, Демна го напушти брендот и започна да работи со „Balenciaga“.
„Мислам дека брат ми е многу талентиран, но јас имам сосема поинаков пристап кон работите. Тој беше славен 10 години, но мислам дека на неговата ера ѝ се приближува крајот. Сега е моето време“, изјави Гурам во интервју за „The New York Times“.