Туширањето со жешка вода е пријатно во текот на зимските, ладни денови. Топлата купка ќе ви биде единствениот начин да го згреете телото, но и да ја добиете посакуваната доза на опуштање.
Меѓутоа, овие навики треба драстично да ги смените, смета васкуларниот хирург.
Доктор Махиар Мадахали, којшто своите следбеници на ТикТок ги едуцира за разни здравствени проблеми низ своите видеа, објавил едно видео кое има над 10.000 прегледи во кое објаснува дека претоплата вода всушност лошо влијае на нашето здравје.
Три последици од користењето топла вода
Постојат три последици кои настануваат по употребата на претерано топла вода, предупредува д-р Мадахали.
Жешката вода доведува до сува кожа
„На површината од кожата се наоѓаат природни масла кои ја одржуваат кожата влажна. Жешката вода може целосно да ги „измие“ тие масла, па тоа доведува до сувост на кожата“, изјавил докторот.
Туширањето или капењето со топла вода исто така може да ги прошири крвните садови и така да го зголеми црвенилото и иритацијата на кожата.
Претоплата вода може да доведе до состојба без свест
„Доколку предолго се туширате со топла вода тоа може да доведе до нагол пад на крвниот притисок, а потоа и до онесвестување“, предупредил докторот.
Жешката вода го нарушува имуниот систем
Овој хирург исто така предупредил дека прекумерната употреба на топла вода може да доведе до можно нарушување на имуниот систем. Иако топлата вода сама по себе не е лоша за нашиот имун систем, клучно е да ја користиме одговорно за да избегнеме изгореници, дехидратација и претеран стрес за телото.
