Обвиненијата на корисниците за неодамнешното однесување на „ChatGPT“ ја поттикнале компанијата „OpenAI“ да го истражи и реши пријавениот пад во одзивот и квалитетот, нагласувајќи ги инхерентните предизвици во обуката на моделот.
Корисниците на „ChatGPT“ се фрустрирани поради неодамнешните случаи во кои тој популарен „AI“ модел ги одбива задачите или им сугерира на корисниците сами да ја завршат работата, што ја наведува „OpenAI“ на отворање на истрага.
Во четвртокот, „OpenAI“ ги потврди извештаите за „ChatGPT“ кои покажуваат некарактеристично однесување на нивниот популарен „AI“ четбот. „Не сме го ажурирале моделот од 11-ти ноември, а тоа сигурно не е намерно. Однесувањето на моделот може да биде непредвидливо и ние се обидуваме тоа да го поправиме“, порачуваат од „OpenAI“.
„ChatGPT“, познат по тоа што им помага на корисниците во различни задачи, собрал 1,7 милијарди корисници од лансирањето во ноември 2022-ра година, со почетно истражување кое тогаш укажувало на зголемена ефикасност и подобрување на квалитетот на работа.
Меѓутоа, корисниците сега пријавуваат случаи во кои тој паметен бот дава бескорисни одговори. Барањето на еден корисник за листа од деновите до 5-ти мај наишол на одбивање со тврдење дека не може да пружи исцрпен одговор. Расправите на „Reddit“ откриваат дека корисниците се борат со реакциите на „ChatGPT“ на задачите и со падот на квалитетот на одговорите, посебно во врска со пишувањето на кодови.
И покрај претходните пријави за проблеми со софтверски грешки, „OpenAI“ нагласува дека постојано прави истраги поради обвиненијата од корисниците. Во соопштението компанијата забележува варијабилност во моделите на тренирање на четботот, што доведува до разлики во карактерот, стилот на пишување, однесувањето, па дури политичката пристрасност.
Иако „OpenAI“ не одговорил веднаш на прашањата од медиумите, корисниците бараат решенија, а некои предложуваат враќање на изворите „GPT“ модели. Компанијата ја нагласува сложеноста на моделот за обука на нивниот „четбот“, признавајќи ги предизвиците во постигнување на доследно однесување во различни циклуси на обука.
