Познатиот актер и оскаровец, Леонардо ди Каприо, во љубовниот живот го следи правилото дека не излегува со девојки постари од 25 години, а има посебно правило и за појавувањата на црвениот тепих каде речиси секогаш се појавува соло, без оглед на тоа дали во тој момент е во врска или не.
На неодамнешната гала во Њујорк го прекршил тоа правило и тоа поради оваа актерка.
И тоа се случило, Леонардо ди Каприо се појавил на црвениот тепих со сопругата. На доделувањето на наградите Готам, кои традиционално ги доделува „The Gotham Film & Media Institute“, тој позирал со актерката Лили Гладстон. Тие фотографии го одбележале неговото вчерашно појавување.
Каков исклучок во споредба со неговите претходни настапи на слични настани.
Лили Гледстон го имала своето деби во филмот „Psychotherapy of a Plains Indian“ (2012), соработувала со режисерката кели Рајхард на независните остварувања „Certain women“ и „First cow“. Со Ди Каприо глуми во филмот „Killers of the Flower Moon“ на Мартин Скорсезе, а екипата на ова остварување била наградена во средата вечер.
Лео и Лили Гледстон се одличен тандем на филмското платно, но и на црвениот тепих. Благодарение на оваа актерка, Ди Каприо го прекршил правилото за соло настапи на гала настаните, на кои обично се појавува сам без женско или машко друштво.
Од тоа правило не отстапил ниту во 2020 година, кога бил во врска со Камила Мороне, од која во меѓувреме се разделил. На црвениот тепих не се појавува ниту со сегашната девојка, манекенката Виторија Серети. Тие двајца избегнуваат да се појавуваат еден покрај друг пред фотографите. Актерот не сака на тој начин да ја споделува интимата, нешто што ретко го гледаме во Холивуд. Се разбира, тој не мора да споделува интимни детали доколку не сака, но избегнување позирање со партнерката е прилично необично.
Затоа сме навикнати да го гледаме сам на гламурозните свечености, освен кога се појавува со мајка му Ирмелин Индернбиркен која е секако исклучок од строгото правило.
Како би покажал колку го цени сето она што таа го направила за него, Лео понекогаш ја води мајка си на доделување важни награди. Претходно исклучок правел и поради неговата најдобра пријателка Кејт Винслет.
Церемонијата во Њујорк беше можност да го видиме и Роберт де Ниро, уште една ѕвезда од филмот на Скорсезе. Ова е неговото прво појавување на црвениот тепих откако неговата продуцентска куќа неодамна беше осудена поради родова дискриминација.
