Најголем дел од корисниците на „Google Maps“ се против измените кои се имплементирани и сакаат враќање на претходната состојба.
„Google Maps“ сега на поголем број корисници им ја прикажува новата палета на бои и корисниците се прилично вознемирени. Иако не станува збор за драстични промени, новите бои на „Google Maps“ ги изненадиле корисниците и им создаваат непријатно чувство.
На „Reddit“ и платформата „X“ има се повеќе објави кои се против новите избори на боја на компанијата „Google“.
New #Google Maps color palette. pic.twitter.com/I0FVhIhfCg
— SaberTech (@Saber_Tech_11) November 19, 2023
Патиштата, кои некогаш биле одредени со бела боја, сега се сиви. Сината боја која ги означувала деловите со вода, сега е значајно бледа, додека областите со шума се потемно зелени од порано. Индикаторот на рутата сега е многу посветол и несоодветно син.
„Не сум обожавател. Не ми се допаѓа ни кога ги видов пред околу една недела. Не ми се лесно читливи. Би се вратил на старите бои кога би можел“, вели еден од корисниците на „Reddit“.
@googlemaps the new google maps color update is awful and depressing, and i'm not saying that for hate, it's painful to look at while having to distinguish lakes and rivers and even worse when you're driving. the colors used are basically so light and similar.
— XBGamerX 20 (@xbgamerx20) November 18, 2023
Корисниците сметаат дека патиштата сега потешко се гледаат на „Google Maps“, ако не зумирате доволно.
Една од најголемите забелешки е дека новите бои прават деталите тешко да се гледаат на мапата.
Не е познато зошто „Google“ одлучил да ги промени боите за „Maps“, но можеби коментарите на незадоволните корисници ќе ја натераат компанијата да се врати на претходните бои.
