Меѓународната организација „Репортери без граници“ и другите медиумски организации објавија упатства за употреба на вештачка интелигенција (AI) во новинарството.
Во документот претставен во петокот во Париз се наведува дека вештачката интелигенција е способна да ги почитува човековите права, мирот и безбедноста во согласност со заедничките аспирации и вредности.
Вештачката интелигенција претставува значителна промена во начинот на собирање информации, потрага по вистината, раскажување приказни и ширење идеи и значително ќе го промени новинарството, се наведува во документот.
Системите за вештачка интелигенција имаат потенцијал да го револуционизираат глобалниот информациски пејзаж, во зависност од нивниот дизајн, контрола и примена. Затоа во документот се наведени десет основни правила кои мора да станат задолжителни за медиумските организации и новинарите.
Првото правило е дека новинарската етика мора да насочува како медиумите и новинарите да ја користат технологијата, а второто е дека човечките одлуки мора да останат централни за уредничките избори и долгорочните стратегии. Документот повикува системите за вештачка интелигенција порано да подлежат на независна евалуација и медиумските куќи секогаш да останат одговорни за содржината што ја објавуваат.
Медиумите мора да бидат транспарентни за употребата на системи за вештачка интелигенција и да ја гарантираат автентичноста и вистинитоста на објавите.
Документот се повикува јасно да се означи разликата помеѓу човечка и генерирана содржина, содржината на вештачката интелигенција да го одразува плурализмот на мислењето и новинарите и медиумските куќи да бидат ангажирани во општ надзор на системите за вештачка интелигенција.
