Најпознатиот светски јутјубер „MrBeast“ стана првиот креатор на содржини во историјата кој ја надмина границата од 500 милиони претплатници на својот канал на Јутјуб.
Веста ја објави извршниот директор на Јутјуб, Нил Мохан, кој на социјалните мрежи му честиташе на „MrBeast“ за овој рекорден успех, истакнувајќи дека станува збор за историски момент за дигиталната индустрија и креаторите на содржини ширум светот.
Congratulations @MrBeast on making history as the first creator to reach 500 million subscribers on @YouTube! 🎉
— Neal Mohan (@nealmohan) June 13, 2026
This achievement is a testament to what’s possible when a creator has the freedom to follow their creativity and be their authentic selves. Jimmy, you are an… pic.twitter.com/8fK63NafCE
„Ова достигнување покажува што е можно кога креаторот има слобода да ја следи својата креативност и да остане автентичен. Џими е неверојатен иноватор и горди сме што сме дел од неговото патување“, порача Мохан.
„MrBeast“, чие вистинско име е Џими Доналдсон, во последните години доминира на Јутјуб сцената благодарение на спектакуларните предизвици, хуманитарните проекти и продукциски сложените видеозаписи кои редовно привлекуваат десетици милиони прегледи.
Границата од 500 милиони претплатници претставува нов рекорд на платформата и дополнително го потврдува статусот на „MrBeast“ како највлијателен поединечен креатор на содржини во светот. Неговиот успех се смета за еден од најголемите во историјата на дигиталните медиуми и социјалните мрежи.
