А она што тоа го прави или ветрот и дождот е всушност соборување на имуносистемот кој нè прави поподложни на вируси.

Како што пишува „Healthline“, настинките се јавуваат поради вируси, а не поради тоа што нè фатило дожд. Меѓутоа, една студија од 2022 година покажала дека студеното време односно намалувањето на телесната температура може лошо да влијае на имунолошкиот систем и носи поголем ризик од вируси.

Затоа, дождот всушност не може да ве настине, но студот додека сте мокри надвор може да го ослабне вашиот имуносистем и да го зголеми ризикот да настинете ако дојдете во контакт со одредени вируси.

Како се настинуваме?

Повеќе од 200 вируси предизвикуваат настинка. Тие се шират преку воздухот и блискиот физички контакт, допирање на устата, очите или носот по контакт со бактерии.

Може ли да се спречи настинката?

За да го намалите ризикот од настинка, треба да го правите следното:

- често мијте ги рацете
- воздржувајте се од делење храна, пијалаци и други нешта со домашните кои не се чувствуваат добро
- избегнувајте непотребно допирање на очите и устата
- хранете се избалансирано, со многу овошје и зеленчук
- редовно вежбајте
- спијте доволно

Што помага при настинка?

Ако настинете, одморајте што е можно повеќе, пијте многу течности, правете гаргара со солена вода, плакнете ја носната шуплина со физиолошки раствор и користете навлажнувач на воздухот. Консултирајте се со фармацевт за лекови кои се издаваат без рецепт.

Колку долго трае настинката?

Настинката обично поминува за една или две недели и обично не бара посета на лекар. Но, понекогаш настинката може да премине во бронхитис или воспаление на белите дробови. Ризикот е поголем ако имате ослабен имунолошки систем или други респираторни здравствени проблеми како астма.

Која е разликата помеѓу настинка, грип и коронавирус?

Многу од симптомите на овие три здравствени состојби се преклопуваат, но симптомите на настинка обично се помалку изразени од оние поврзани со грип или коронавирус, а настинките обично не се придружени со треска.