Па, која дестинација е на прво место оваа година? Еве едно навестување:

„Каде на друго место можете да посетите колонија на африкански пингвини, да пробате врвни вина, да шетате по плажите со сино знаме, да уживате во погледите од едно од новите седум чуда на природата и да доживеете енергичен ноќен живот – и сето тоа во еден ден? праша „Time Out“?

Одговорот, секако, е Кејптаун, кој стана една од најпопуларните дестинации во светот.

„Втопен во историјата и културното значење, Кејптаун на посетителите им нуди мноштво опции за учење, истражување и забава, сето тоа без премногу трошок“, напиша „Time Out“ за најстариот град во Јужна Африка.

За да се состави годишната листа, беа анкетирани повеќе од 18.500 испитаници, како и сопствен панел од 100 експерти. Од нив беше побаран увид во теми кои им се блиски и драги на патниците, вклучувајќи храна, ноќен живот, култура, пристапност, животна средина и целокупната градска атмосфера. Потоа, „Time Out“ направи комбинација од податоци (вкупно 44 различни критериуми) за да ги рангира 50-те најдобри градови во светот за 2025 година.

Во Кејптаун, „Time Out“ им препорачува на посетителите да ја искусат риболовната култура на градот во модерниот залив Калк или да се упатат кон источните населби „за доза на локална храна и дизајн“.

Што се однесува до уживањето во природата по која е познат градот, на патниците им се предлага да го посетат прекрасниот природен резерват Кејп Поинт.

На второто место на листата за 2025 година, објавена во средата, се наоѓа град кој долго време е популарен меѓу патниците – Бангкок.

Не изненадува фактот што светски познатата прехранбена сцена во Бангкок беше високо рангирана меѓу испитаниците, при што „Time Out“ рече дека 86 отсто од локалните жители изјавиле дека храната во Бангкок е „добра“ или „неверојатна“, а 84 отсто рекле дека јадат надвор од домот по поволни цени.

Минатогодишниот победник, Њујорк, падна на сè уште импресивното трето место во 2025 година, а „Time Out“ забележа дека 78 отсто од њујорчаните го опишале градот како возбудлив, „највисок процент од кој било испитан град“. Во меѓувреме, 92 отсто од испитаниците ја одобруваат неговата светска уметност и културна сцена, пренесе Си-ен-ен.

Број четири на листата е Мелбурн. Овој крајбрежен австралиски град заработи врвни оценки во категоријата „ресторани и јадење надвор“, како и во „култура“.

Петтото место му припадна на уште еден повеќегодишен фаворит, Лондон, за кој „Time Out“ рече дека тој останува еден од најдобрите градови во светот, „благодарение на неговата живописна кујна, култните пабови и разновидните заедници“.

Како изгледа целосната листа?

Кејптаун, Јужна Африка

Бангкок, Тајланд

Њујорк, САД

Мелбурн, Австралија

Лондон, Обединетото Кралство

Њу Орлеанс, САД

Мексико Сити, Мексико

Порто, Португалија

Шангај, Кина

Копенхаген, Данска

Чикаго, САД

Лисабон, Португалија

Единбург, Обединетото Кралство

Хонгконг

Сиднеј, Австралија

Амстердам, Холандија

Барселона, Шпанија

Севиља, Шпанија

Париз, Франција

Меделин, Колумбија

Ханој, Виетнам

Мадрид, Шпанија

Берлин, Германија

Дубаи, ОАЕ

Сингапур

Рио де Жанеиро, Бразил

Пекинг, Кина

Чианг Маи, Тајланд

Џакарта, Индонезија

Виена, Австрија

Токио, Јапонија

Маракеш, Мароко

Перт, Австралија

Брајтон, Обединетото Кралство

Прага, Чешка

Глазгов, Обединетото Кралство

Бризбејн, Австралија

Марсеј, Франција

Будимпешта, Унгарија

Лос Анџелес, САД

Лагос, Нигерија

Сеул, Јужна Кореја

Валенсија, Шпанија

Монтреал, Канада

Билбао, Шпанија

Абу Даби, ОАЕ

Белфаст, Обединетото Кралство

Бристол, Обединетото Кралство

Мумбај, Индија

Варшава, Полска