Сана Кудус, пулмолог од медицинскиот центар на Универзитетот Лојола во Чикаго, ги открива причините за отежнато дишење без многу физичка активност.

1. Анксиозност

„Луѓето кои се вознемирени може да се чувствуваат непријатно при дишењето. Во стресна ситуација, вообичаената реакција на телото е „бори се или бегај“, што значи дека ви се забрзуваат отчукувањата на срцето и дишењето, што може да ви даде чувство дека останувате без здив“. вели докторот.

Кога причината е анксиозност, останувањето без здив обично трае помеѓу 10 и 30 минути, според „Hackensack Meridian Health“. Епизодите обично се појавуваат брзо и произлегуваат од чувствата на страв или непријатност.

2. Алергии или астма

„Толку многу работи можат да предизвикаат алергиски одговор што ги стеснува вашите дишни патишта, вклучително и изложување на прашина, полен, првут од домашни миленици или силни мириси и испарувања“, вели д-р. Кудус.

Изложеноста на алергени или надразнувачи во воздухот може да предизвика симптоми на астма, како и силни емоции и хормонални промени за време на бременоста.

3. Анемија

Анемијата е состојба каде што имате ниски нивоа на црвени крвни зрнца, често предизвикани од недостаток на железо или тешки менструации.

Кога ви недостасуваат црвени крвни зрнца кои носат кислород до вашите ткива, може да се чувствувате уморни, проследено со отежнато дишење и вртоглавица.

4. Ладен воздух

„Изложеноста на ладен воздух може да предизвика реакција слична на астма“, вели др. Кудус.

Ниските температури, исто така, може да предизвикаат кашлање. Ова може да се случи кај здрави луѓе, но често е полошо кај луѓе кои имаат респираторни проблеми како астма.

5. Проблеми со срцето

Ако вашето срце не може ефикасно да пумпа крв, може да почувствувате недостаток на здив при извршување на секојдневните активности, како што е качување по скали.

Скратен здив е исто така предупредувачки знак за срцев удар, според Американското здружение за срце, и може да се појави со или без болка во градите. Други симптоми вклучуваат гадење, вртоглавица, болки во грбот или вилицата и ладна пот.