Кога температурите се ниски, нема ништо поубаво од туширањето со топла вода. Но, туширањето со врела вода може негативно да влијае на вашето здравје.

Покрај препораката дека треба да користите постудена вода кога се туширате, без разлика на годишното време, лекарите истакнуваат и неколку причини зошто врелата вода е лоша по здравјето.

Ги влошува акните

Врелата вода може да ја оштети кожата и да ги влоши акните бидејќи ги отстранува природните масла и здравите бактерии кои се наоѓаат на површината.

Предизвикува сува и чувствителна кожа

Предолгото туширање со врела вода ја суши кожата, вели фармацевтот Абас Канан.

За да ја зачувате хидратацијата на кожата по туширањето, користете крема на водена база.

Ја оштетува косата

Лицата кои се тушираат со многу топла вода можат да ја оштетат својата коса.

„Врелата вода го забавува протокот на крв, а на вашето теме му е потребна добра циркулација за да го поттикне здравиот раст на косата“, вели Сам Цинкир, извршен директор на „Este Medical Group“.

Туширањето со врела вода може да го направи влакното кршливо, што пак може да доведе до губење на косата. Тоа се случува бидејќи, кога ја миете косата со врела вода, таа ги отвора порите, правејќи го коренот на косата послаб, што доведува до полесно опаѓање.

Ја влошува егземата и сличните здравствени состојби

„Високата температура на вода ја суши кожата и ги влошува состојбите како егзема“, вели д-р Адам Фридман за „Healthline“.

Врелата вода исто така може да го зголеми крвниот притисок, што може да биде многу опасно и да доведе до влошување на срцевите болести.