Пејачката Адел оваа недела ја шокираше јавноста кога објави дека после три години брак се развела од бизнисменот Симон Конецки.
Но таа со сето тоа вели дека „се носи“ многу добро, а на пријателите им кажала дека не сака да лее солзи. Веќе е спремна за излегување и запознавање со некој нов, а точно знае и што сака од нејзиниот нареден дечко.
Како што пишуваат во „The sun“, предност имаат американците, ги замолила пријателите од САД да ја запознаат со некој нивни познаник. Сепак моментално сака само да се забавува и да не брза со некоја сериозна врска.
„Возбудена е затоа што повторно разговара со момчиња. Целосно е во фаза на додворување“, тврди извор кој е близок на пејачката.
Инаку, Адел и Симон живееле одвоено неколку години, а во саботата портпаролот на Адел го потврдил разводот на нивниот брак.