Поранешниот сопруг на Моника Белучи, актерот Винсент Касел, доби дете со 30 години помладата манекенка Тина Кунаки.
Среќната вест ја објави на Инстаграм, со тоа што напиша „Амазони е родена“. 52-годишникот така го откри необичното име кое ѝ го дале на ќерката. Според објавената фотографија, името е посветено на Бразил, каде парот живее еден дел од годината. Името ги воодушевило неговите пријатели, но и фановите на двојката.
Неговата објава е лајкувана повеќе од 70 илјади пати, а коментарите се преплавени со пораки полни со честитки и добри желби. На 52-годишниот Винсент ова му е трето дете, а на 22-годишната Тина прво.
Тина и Винсент се венчаа во август минатата година, после 2-годишната врска, а бременоста ја објавија во јануари оваа година.
Винсент од бракот со Моника Белучи има две ќерки, 13-годишната Дева и 8-годишната Леони. Тие се разведоа во 2013-та година.
