Шестгодишниот син на Илон Маск, Икс Æ А-12, привлече внимание на социјалните мрежи за време на посетата на Кина. Момчето заедно со својот татко присуствувало на состанок со кинески функционер, а неговата спонтана реакција на едно прашање ги насмеала сите присутни.
Одговорот на момчето ги насмеал присутните
На видеоснимката што се проширила на кинеските социјални мрежи се гледа како Маск, за време на состанокот во Шенжен, го прашува својот син дали му се допаѓа Кина. Момчето веднаш одговорило потврдно, што предизвикало смеа кај присутните.
Неговата реакција предизвикала бројни коментари на социјалните мрежи.
Маск потоа објаснил зошто неговиот син сакал повторно да ја посети Кина.
„Кина произведува сè, речиси сè. Кина е рај за играчки. Нивните играчки се произведуваат тука“, изјавил тој, пофалувајќи ја кинеската индустрија.
И претходно привлекол внимание во Кина
Ова не е првпат синот на Маск да се најде во центарот на вниманието за време на посета на Кина. Во мај оваа година, заедно со својот татко престојувал во Пекинг, каде што ја посетил Големата народна сала.
Тогаш носел свилена јакна во традиционален кинески стил и чанта со мотив на тигар.
Неговата облека предизвикала голем интерес, а според медиумските извештаи, слични производи набрзо биле распродадени во кинеските онлајн продавници.

Маск ја пофалил Кина
Маск пристигнал во Кина како дел од американската деловна делегација што го придружува претседателот Доналд Трамп на самитот на АПЕК.
За време на посетата, тој зборувал за плановите на „Тесла“ за проширување на производството на кинескиот пазар. Фабриката „Gigafactory“ во Шангај веќе е еден од најважните производствени и извозни центри на компанијата.

Тој го пофалил и технолошкиот развој на Кина, архитектурата, природните убавини и железничката мрежа.
Маск повикал на зајакнување на соработката меѓу САД и Кина, а на Американците им порачал дека треба лично да ја посетат земјата за подобро да ја запознаат.











