[ФОТО] Случајно откриен полот на бебето на Ен Хатавеј: Актерката ја криеше веста од јавноста, а блиска соработничка со еден потег открила сè

Точка

19/11/2026

15:10

581

Големина на фонт

а а а

Познатата актерка Ен Хатавеј го доби своето трето дете. Папараците ја фотографираа додека го носеше бебето во рацете, но самата актерка сè уште не се огласила по повод радосната вест, па затоа пред јавноста не го открила ниту полот на новороденчето. Сепак, овој детаљ набргу го обелоденила нејзина блиска соработничка на социјалната мрежа Инстаграм.

Како што пренесува магазинот „Gala“, Ен Хатавеј (44) и нејзиниот сопруг Адам Шулман (45), по двајцата синови, добиле ќерка. Оваа информација ја потврдила и колешката на познатата оскаровка, Моли Роџерс, костимографка на филмот „Ѓаволот носи Прада 2“, во кој Хатавеј толкува една од улогите. Таа на својот профил на Инстаграм објавила фотографија од кадифено мече, придружена со јавна честитка упатена до холивудската ѕвезда.


„Честитки за гордата мајка и за новиот член на нејзиното семејство... девојчето“, напишала Роџерс.

Насмеана прошетка низ улиците на Њујорк

Актерката била забележана во Њујорк за време на опуштена прошетка со пријателка, додека новороденото бебе го носела во носилка. На направените фотографии изгледа исклучително ведро, расположено и насмеано.


Поради третата бременост, Ен пред неколку месеци одлучила да направи кратка пауза во кариерата. Непосредно пред породувањето, на публиката ѝ беа претставени три големи филмски остварувања во кои таа ги толкува главните улоги – „Ѓаволот носи Прада 2“, „Одисеја“ и „Мери“. А, судејќи според вестите дека родила девојче, се покажало дека претпоставките во нејзиниот случај биле целосно точни.


Повеќе од една деценија љубов и семејна хармонија

Да потсетиме, Ен Хатавеј, која на 12 ноември наполни 44 години, и нејзиниот избраник Адам Шулман се во врска уште од 2008 година, а се венчаа во септември 2012 година.


Првото дете, синот Џонатан Роузбенкс Шулман, го добиле на 24 март 2016 година, а нивниот втор син Џек се родил во ноември 2019 година. Познатата актерка сега планира целосно да им се посвети на децата и семејството пред повторно да се врати на филмскиот сет и на новите професионални предизвици.