Неда Украден и нејзиниот хит „Zora je“ одбележаа една епоха, а заработката од песната и денес фасцинира.
Малку се песните од нашите простори кои можат да се пофалат со успехот што го постигна славната нумера „Zora je“, во изведба на Неда Украден. Иако е објавена во 1985 година, оваа песна не само што одбележа цела една епоха во поранешна Југославија, туку и по повеќе од четири децении важи за една од најисплатливите и најскапите песни некогаш напишани на овие простори.
Музиката ја компонирал легендарниот Ѓорѓе Новковиќ, додека текстот го напишала Марина Туцаковиќ. Колку песната веднаш ја освоила публиката, говори податокот дека плочата била продадена во неверојатни половина милион примероци, што и според тогашните југословенски стандарди претставувало огромен успех.
Интересно е што за оваа песна се врзува и една од најпознатите естрадни приказни за авторските права. Имено, Марина Туцаковиќ во рефренот напишала само еден стих: „Suza je iz oka kanula“, кој, според приказните, во текот на годините ѝ донел заработка поголема од 100.000 евра.
Неда Украден никогаш не криела дека токму „Zora je“ ѝ ги отворила сите врати, ѝ ги наполнила концертните сали низ регионот и светот, но и ѝ овозможила од заработката да обезбеди недвижности.
Она што ја издвојува оваа песна од речиси сите други југословенски хитови е нејзиниот светски одек. „Zora je“ е преведена на дури 13 светски јазици, а особено голем успех постигнала во Холандија, каде што во 1987 година ја преработил популарниот пејач Пит Ферман под наслов „Sailin' Home“. Во оваа земја песната дури се искачила на првото место на музичките топ-листи, додека холандската преработка во Европа била продадена во неверојатни 1.100.000 примероци.
