Малкумина музичари од нашите простори можат да се пофалат дека поради нивна песна доцнел меѓународен воз, но легендата на рокенролот Бора Ѓорѓевиќ и тоа го запишал во својата богата биографија.

Кога станува збор за најдобрите песни од регионалната музичка сцена на сите времиња, хитовите на легендарната група Рибља Чорба и неповторливиот Бора Ѓорѓевиќ секогаш се на самиот врв.

Стихови кои го запреле сообраќајот

Неговите стихови погодуваа право во целта, го опишуваа духот на едно време, но знаеле да предизвикаат и такви емоции што поради нив – буквално запирал сообраќајот!

Една од најневеројатните анегдоти од златното доба на регионалниот рокенрол, која и денес се прераскажува меѓу вистинските обожаватели, е поврзана токму со славниот рокер и познатиот воз од Виена.

Ѓорѓевиќ своевремено се присетил и како во Виена, на железничката станица, хорот на Првото српско пејачко друштво му ја испеал песната „Погледај дом свој, анѓеле“ од возот кој токму се подготвувал да тргне.

„Тоа беше целосно нереална ситуација. Стојам на празниот перон, гледам и плачам – слушам како тие пеат како ангели. Тоа беше првпат во историјата на австриските железници воз да доцни со поаѓањето, бидејќи дури откако заврши песната, дозволија возот да тргне“, раскажал Ѓорѓевиќ, кој открил дека му предлагале оваа песна да стане српска химна.