Шерон Стоун отворено зборуваше за својот љубовен живот, признавајќи дека подолго време практикува целибат бидејќи повеќе не се задоволува со површност.
Холивудската ѕвезда Шерон Стоун веќе подолго време е во целибат; таа неодамна зборуваше за тоа зошто поставила нови стандарди – или подобро кажано, зошто повеќе не прави компромиси кога станува збор за нејзиниот љубовен живот.
Во разговор со актерката Мајим Биалик во нејзиниот подкаст, Стоун објасни дека стигнала до точка кога одбива да влегува во површни врски, бидејќи тие едноставно не ја интересираат. Нејзините деца се веќе возрасни, а таа нема потреба од плитки или минливи авантури; наместо тоа, бара партнер со кого ќе го сподели остатокот од својот живот.
„Практикувам целибат бидејќи сакам да бидам само со некој до кого навистина ми е грижа. Барам животен партнер, а не само некој за секс. Тоа ми стана здодевно“, отворено изјави актерката.
За време на подкастот, тие се осврнаа и на нејзиното љубовно минато, при што Стоун опиша каква била таа во врските.
„Јас сум многу добра девојка и партнерка… но одамна не сум ја играла таа улога. Сум била во врски и со лоши и со добри мажи. Сум имала и среќа и несреќа – а понекогаш и воопшто немав среќа. Веќе подолго време немам никаква среќа“, заклучи Шерон Стоун со насмевка.
Таа исто така призна дека сакала и претходно, но сè уште ја нема доживеано „вистинската љубов“.
„Сум имала љубов во животот, но мислам дека сè уште ја немам доживеано онаа една вистинска, голема љубов“, рече таа директно, додавајќи дека не се откажува и ја опиша својата моментална ситуација како фаза која бара упорност за да се добие она што навистина се сака.
