Британската актерка Миа Гот поднесе барање за развод од американскиот актер Шаја Лабаф по 10 години брак, потврдиле извори за американските медиуми.
Документите биле поднесени во вторникот навечер, а како причина за разводот се наведени „непомирливи разлики“. Како датум на разделбата е наведен 28 јули 2025 година.
Според документите до кои дошол „Page Six“, таа бара старателство над нивната четиригодишна ќерка Изабел. Исто така, побарала да се укине можноста судот да ѝ додели на неа или на Лабаф брачна издршка. „TMZ“ прв ја објави веста за нивниот развод.
Миа Гот и Шаја Лабаф се запознале во 2012 година на снимањето на филмот „Nymphomaniac: Vol. II“. Набрзо започнале врска, а нивниот однос уште од почетокот бил прилично интензивен.
Се венчаа во 2016 година. Тој по две години поднел барање за развод и започнал врска со музичарката ФКА Твигс. Повторно се зближил со Миа во 2020 година.
Ќерката ја добија во 2022 година. Лабаф подоцна зборувал за тоа колку татковството му го променило животот. Исто така, зборувал за својот проблем со алкохолот, агресијата и лекувањето, како и за тоа како Миа му пружила поддршка за време на рехабилитацијата.
