Во споредба со нивните роднини кои живеат на површината, глувците во подземјето се движат побрзо и јадат помалку, што е резултат на еволутивното приспособување кон суровата средина. Секоја трошка храна е драгоцена …
Глетката на два глувци кои се борат на задните нозе среде станица на лондонското метро стана интернет-сензација која истовремено ги воодушеви и згрози патниците. Додека ситните глодари се бореа и удираа како боксери во минијатурен ринг, многумина ги извадија своите мобилни телефони за да го снимат необичниот момент.
Се проценува дека во тунелите и станиците на лондонското метро живеат околу половина милион глувци. Овие глодари целосно се приспособиле на животот во мрачната и опасна средина, хранејќи се главно со остатоците од храна што патниците ги оставаат зад себе. Нивниот живот е тежок и често краток, исполнет со опасности како возовите што надоаѓаат, недостигот од природна светлина и постојаната потрага по храна.
Експертите од „Imperial College“ во Лондон откриле дека стресните услови за живот ја промениле дури и биохемијата на овие глувци. Во споредба со нивните роднини кои живеат на површината, глувците во подземјето се движат побрзо и јадат помалку, што е резултат на еволутивното приспособување кон суровата средина. Секоја трошка храна е драгоцена, поради што судири како овој не се реткост.
