Минатата година уживаше во Занзибар со синовите Тиан и Зен, а годинава повторно се врати на својата омилена дестинација. Туна Сејди (41) сподели фотографии од егзотичниот остров, на кои изгледа самоуверено, фит и посреќно од кога било.
За разлика од минатогодишниот одмор, овојпат таа не ги покажува своите синови, ниту пак открива со кого е на патувањето. Она што го сподели со своите следбеници е една едноставна, но моќна животна лекција што ја научила токму во Занзибар.
Во кус син фустан, но и во бикини, Туна покажа дека ужива во сонцето, морето и прекрасните плажи, а нејзината фигура во форма на песочен часовник дополнително привлече внимание.
Но, зад фотографиите од рајските плажи стои порака која оди многу подлабоко.
„Од „харака-харака“ до „поле-поле“… Занзибар ме научи дека рајот започнува тогаш кога ќе престанеш да брзаш“.
Инаку „харака-харака“ е израз на свахили што значи „брзо, брзо“, односно „побрзај, побрзај“. Спротивно на тоа, „поле-поле“ значи „полека, полека“ – да се забави темпото, да не се брза и да се ужива во моментот.
И токму тоа, можеби, е најубавиот сувенир што човек може да го понесе од едно патување.
Во секојдневието постојано некаде брзаме – кон следната обврска, состанок или план. Често забораваме дека животот се случува токму во малите моменти кои ги пропуштаме додека брзаме.
Затоа пораката на Туна од Занзибар е едноставна: понекогаш треба само да застанеме, да земеме здив и да си дозволиме да уживаме.
