Американската актерка и пејачка Хилари Даф и приреди големо изненадување на публиката за време на распродадениот концерт од нејзината светска турнеја „The Lucky Me“ во њујоршкиот Медисон Сквер Гарден, кога нејзиното поранешно момче Џоел Мејден ѝ се придружи на сцената.
Нивниот заеднички настап се случи речиси две децении откако ја завршија врската. Среде концертот пејачката облече маичка на бендот „Good Charlotte“, што алудираше на посебно изненадување за публиката.
„Њујорк, знаете дека никогаш не би дошла тука без изненадување за тебе“, ѝ рече таа на публиката, која го поздрави нејзиниот говор со гласни овации.
„Доведов двајца од моите најдраги пријатели во Њујорк. Зборуваме за луѓе кои се со мене од самиот почеток“, додаде таа, пред да ги покани членовите на бендот на сцената.
Потоа на сцената се качија Џоел Мејден и неговиот брат близнак Бенџи Мејден. Даф и Џоел заедно го изведоа хитот од 2002 година „The Anthem“, додека Бенџи свиреше гитара.
По настапот, поранешните партнери се фотографираа зад сцената со своите сопружници. Даф позираше со својот сопруг Метју Кома, додека Џоел беше во друштво на неговата сопруга Никол Ричи.
Бенџи Мејден објави заедничка фотографија на Инстаграм со описот: „Семејна вечер во МСГ“. Неговата сопруга, актерката Камерон Дијаз, со која има три деца, не беше на фотографијата.
Даф и Кома, кои се венчаа во 2019 година, на концертот ги доведоа своите деца Бенкс (7), Меј (5) и Таунс (2), како и синот на Даф, Лука (14), кого го доби со поранешниот сопруг Мајк Комри. Иако беа присутни, тие не се појавија на ниту една заедничка фотографија.
Не е познато дали децата на Џоел и Никол, ќерката Кејт (18) и синот Спероу (16), присуствувале на концертот. Инаку Даф и Мејден ја започнале врската во 2004 година, кога таа имала 16, а тој 25 години. Се разделиле две години подоцна, но останале во добри односи и во меѓувреме основале семејства со други партнери.
Ова не е прв пат Даф и нејзиниот сопруг Метју да се дружат со Џоел и Никол, кои се во брак од 2010 година. Ти биле видени заедно и во 2022 година за време на излегување во ресторанот „Скреч бар и кичен“ во Лос Анџелес, кога позирале за заедничка фотографија со уште два пара.
Даф претходно зборувала за својата врска со Џоел во поткастот „The Love Bomb“ во 2016 година, опишувајќи го тој период од нејзиниот живот како „тотално преоптоварувачки“ и „многу интензивен“.
Денес
