Англиската Премиер лига ќе се врати на крајот на месец август, а веќе ги имаме паровите за отварањето на сезоната, но и распоредот за натпреварувачката 2026/2027.
Арсенал по пауза од 22 години стана шампион и ќе ја има задача да ја одбрани титулата, мисија што не е лесна и за тоа може најдобро да посведочи Ливерпул кој доживеа сериозен пад по шампионската сезона со Арне Слот.
„Топчиите“ на стартот имаат идеален противник (21 август), меч на домашен терен со повратникот во елитната конкуренција Ковентри кој го предводи Франк Лампард.
Вицешампионот Манчестер Сити ќе го дочека Борнмут, додека Манчестер Јунајтед оди кај новајлијата Хал. Челси со Чаби Алонсо гостува кај Фулам, а Ираола ќе има незгодно деби на клупата на Ливерпул затоа што ривал ќе му биде Њукасл на „Сент Џејмс Парк“.
How we're kicking off the 2026/27 Premier League season 🤩
— Premier League (@premierleague) June 19, 2026
Првакот по Ковентри ќе се соочи со Астон Вила и Челси, Сити ќе ги има Кристал Палас и Ковентри, Јунајтед до четвртото коло во кое ќе се соочи со градскиот ривал ќе ги има Ипсвич и Евертон.
Ливерпул по отварањето ќе одигра на мегдан со „шумарите“ и „трактористите“, додека тешка задача ќе има Челси затоа што ќе следат битки со Брајтон и Арсенал.
