Актерот од „Икс-Мен“ откри дека му е дијагностициран рак: „Многу е редок. Јас сум еден од 750-те мажи“

„Имам лоши вести. Денес почнувам со хемотерапија. Кај еден од 750 мажи ќе биде дијагностициран рак на дојка во текот на животот, а јас сум еден од нив. Бидејќи ретко се зборува за тоа, обично се открива во подоцнежна фаза и има полоши исходи. Сакам да го променам тоа“, рекол актерот и поранешна ѕвезда на Светското првенство во борење (WCW).

Мане додал дека планира да го документира своето лекување за да ја подигне свеста за ракот на дојка кај мажите и да ги охрабри другите мажи да обрнат внимание на можните симптоми.

Актерот, кој во 2024 година ѝ се вратил во својата најпопуларна улога во филмот „Дедпул и Вулверин“ објаснил дека првично сакал да ја задржи својата дијагноза во тајност.

„Да. Имам рак на дојка. И да, тоа е многу ретко. Само 1 отсто од ракот на дојка е рак кај мажите. Да бидам искрен, мојата прва реакција беше да го чувам во тајност. Мислам, малку е непријатно. Но, потоа открив дека на мажите почесто им се дијагностицира во подоцнежна фаза бидејќи не се зборува за тоа и не се бара“, рекол Тајлер, додавајќи дека неговата сопруга, Рене Гирлингс, била одговорна за тоа што побарал медицинска помош откако лекарите првично ги отфрлиле неговите загрижености.

„Ајде да почнеме да зборуваме за тоа“, заклучил актерот, кој се појавил во филмови како „Joe Dirt“, „The Scorpion King“, „Halloween“ и „The Devil’s Rejects“.

Според Американското здружение за борба против ракот, помалку од 1 отсто од случаите на рак на дојка во Соединетите Американски Држави се јавуваат кај мажи. Тие велат дека болеста често се дијагностицира подоцна кај мажите бидејќи свеста за болеста е помала и симптомите може да поминат незабележано. Симптомите вклучуваат безболна грутка во дојката, промени на кожата или брадавицата, како што се вдлабнатина или промена на бојата и исцедок или крвавење. Ракот на дојка е почест кај постарите мажи, но може да се појави на која било возраст.