Лионел Меси се уште прави разлика на највисоко фудбалско ниво и тоа го покажа рано утрово во Алабама, стадион на кој капитенот на Аргентина постигна гол и ја започна акцијата по која „гаучосите“ ги поставија конечните 3:0 против Исланд.
На Меси доволни му беа само 20 минути за да дојде до израз и да ја разбие одбраната на Исланѓаните, па иако главна вест е тоа што целосно ја санираше повредата пред стартот на Светското првенство, огромно внимание привлече и една сцена по крајот на мечот.
Играчот со број 22 му пријде на Меси и учтиво се поздрави со фудаблската легенда, но притоа го прегрна во неколку наврати и му откри дека во минатото веќе се имал ракувано со него.
Стануваше збор за Даниел Гудјонсен, синот на легендарниот Ејдур кој во минатото беше и соиграч на Меси во Барселона.
– Кога ми пријде момчето, ме праша дали се сеќавам на него……. Вистина е дека останав изненаден. Ми кажа дека е син на Гудјонсен. Се сеќавам дека го имав видено со неговиот татко на некој од тренинзите, но тогаш беше многу мал и сега не можев да го препознаам, – откри Меси.
Messi had a long conversation with this Icelandic player because he was told that he and his dad, Eiður Guðjohnsen, used to be teammates at Barcelona.
— AM☬ (@AbsoluteMxssi) June 10, 2026
Imagine playing long enough to play against your ex teammate's son ❤️
pic.twitter.com/fUbyvIEGb3
