Во случај на фудбалерот да му бидат потребни повеќе од десет секунди за да го напушти теренот, заменскиот играч нема да смее веднаш да влезе во игра, туку ќе мора да го почека првиот следен прекин откако ќе помине уште околу една минута игра.
Секој љубител на фудбалот го знае чувството на фрустрација кога гледа противнички играч на кој очигледно не му се брза да го напушти теренот. Станува збор за една од најчестите и најбезболни методи за трошење време, а ФИФА реши да му стави крај на тоа во пресрет на Светското првенство 2026 во САД, Канада и Мексико.
На Мундијалот ќе важи таканареченото „правило од 10 секунди“, според кое играчот што се заменува мора да го напушти теренот најдоцна десет секунди откако ќе биде означена неговата замена.
Доколку задоцни, неговиот тим привремено ќе игра со играч помалку. Ако на фудбалерот му требаат повеќе од десет секунди за да излезе, заменскиот играч нема да може веднаш да влезе во игра, туку ќе мора да го почека првиот следен прекин по истекот на уште приближно една минута игра.
🚨 New World Cup rule in action:
— World Cup HQ (@WorldCup26HQ) May 31, 2026
Hlynsson 🇮🇸 took more than 10 secs to leave the field during his substitution.
As a result, his replacement had to wait a full minute before entering.
In that minute, Japan 🇯🇵 scored. pic.twitter.com/fcCaYgdFtz
Со ова правило ФИФА сака да стави крај на тактичкото одолговлекување. Замените често се користат како начин за губење време во завршницата од натпреварите, а како тоа изгледа во пракса можевме да видиме во неделата на пријателскиот натпревар меѓу Јапонија и Исланд.
Играчот од средниот ред на Исланд, Кристијан Хлинсон, во 87. минута не покажал преголема желба брзо да го напушти теренот. Поради тоа неговата замена, Исак Снер Торвалдсон, морал да почека пред да влезе во игра, а Јапонија ја искористила ситуацијата со играч повеќе и во 87. минута го постигнала единствениот гол на натпреварот.
Стрелец на погодокот беше Огава.
