Мерил Стрип била клучниот адут за студиото „20th Century Studios“ при договорот за продолжението на култниот филм „The Devil Wears Prada 2“ од 2006 година, во кој повторно ја толкува Миранда Пристли.

Иако, според наводите на изворот, можела да бара поголем хонорар, таа прифатила 12,5 милиони и инсистирала нејзините колешки да бидат платени исто колку и таа. Во согласност со тоа, сите три актерки потпишале договори со клаузулата „favored nations“. Во филмската индустрија тоа значи дека сите водечки актери во проектот имаат исти хонорари и поволности.

Бонусите веќе пристигнуваат

Покрај основните хонорари, трите ѕвезди имаат и значителни бонуси поврзани со резултатите на кино-благајните. Тие бонуси веќе почнале да се исплаќаат благодарение на големиот интерес на публиката, а секоја од актерките би можела да заработи повеќе од 20 милиони долари доколку филмот продолжи да привлекува гледачи.

„The Devil Wears Prada 2“ имал буџет од 100 милиони долари, а поголемиот дел од тој износ бил потрошен на актерската екипа.

Филмот моментално е во вториот викенд од широката дистрибуција, а проценките велат дека вкупната светска заработка наскоро би можела да надмине 300 милиони долари.

Продолжението на филмот „The Devil Wears Prada“ ја следи Миранда Пристли која се соочува со предизвиците на современото дигитално доба и падот на традиционалните магазини, додека се обидува да го задржи своето влијание и репутација. Повеќето реакции на социјалните мрежи истакнуваат дека филмот успешно ја балансира носталгијата и модернизацијата на приказната, а поединечни коментатори наведуваат дека би можел да стане еден од големите комерцијални успеси на сезоната.