Оливија Вајлд одговори на критиките за својот изглед по интервју кое стана вирално. Актерката и режисерка на духовит начин ги искоментира споредбите со Голум од „The Lord of the Rings“, обвинувајќи го за сè објективот на камерата.
Актерката и режисерка (42) се осврна на коментарите за својот изглед по појавувањето на 24 април на Меѓународниот филмски фестивал во Сан Франциско, каде го промовираше својот нов филм „The Invite“. Во сабота, 2 мај, на Instagram story објави видео во кое ја спореди фотографијата од интервјуто за „San Francisco Chronicle“ со Голум, познатиот лик од „The Lord of the Rings“.
„Само помалиот брат може вака брутално да те исмева“, напиша Вајлд покрај видеото. На снимката се слуша нејзиниот брат Чарли Кокбурн како на шега ја прашува: „Оливија Вајлд, дали сакате да ги коментирате неодамнешните гласини дека сте подвижен леш?“.
„Гледајте, тоа е ‘fish-eye’ објектив. И признавам, дали тоа ми е најдобриот агол? Дали некогаш сум изгледала подобро? Не. Но, фотографијата е неверојатна. Навистина е неверојатна“, одговори Вајлд гледајќи во камерата.
Потоа уште еднаш објасни дека проблемот бил во објективот користен за време на интервјуто. „Тоа беше ‘fish-eye’ објектив. Не знам зошто бев толку блиску до камерата. Немаше потреба. Не изгледам така во живо“, рече додека таа и брат ѝ се смееја. „Имате ли уште прашања?“, на шега го праша брат ѝ, а потоа додаде: „Не сум мртва“. Додека продолжија да се смеат, Вајлд го сокри лицето со бејзбол капа.
Целиот случај повторно го отвори прашањето за стандардите на убавина и начинот на кој се коментира изгледот на јавните личности. Дел од корисниците истакнаа дека станува збор за комбинација од лошо осветлување и објектив, а не за вистинска промена на изгледот.
Вајлд, барем во овој случај, покажа дека со таков притисок може да се справи без драматизирање.
Денес
