Вчерашниот атрактивен и ефикасен натпревар меѓу ПСЖ и Баерн Минхен донесе офанзивен и активен фудбал каков што фановите ретко добиваат, додека судијата немаше многу работа, со исклучок на ситуациите во кои досуди пенал.
Баерн прв доби пенал кој беше реализиран преку Кејн, за пред крајот на полувремето тоа да се случи и со ударот на Дембеле, кој во тие моменти донесе предност од 3:2 за домаќините.
Голем дел од коментарите се дека и двата пенала можеле да не бидат санкционирани, а дел од стручната јавност се фокусира на едната или другата ситуација.
Биксенте Лизаразу коментирал за француските медиуми, оспорувајќи го пеналот кој ПСЖ го доби против неговиот поранешен клуб.
– Ако бевте на местото на Дејвис, дали ќе ви беше јасно зошто е досуден пеналот? Не се работи за тоа дека оштетен е Баерн, но како поранешен дефанзивец, велам дека овие пенали се несфатливи, без разлика дали се чини дека телото е неприродно зголемено. Дали е природно и нормално дефанзивците да играат постојано со рацете зад грб? прашува Лизаразу.
Од друга страна, поранешниот шпански судија Мануел Итуралде, вели дека ни Баерн не требало да добие пенал по дуелот меѓу Пачо и Диаз.
– Мене повеќе ми делува на прекршок на напаѓачот, отколку спротивно. Диаз бараше контакт, за мене повеќе е прекршок во напад отколку спротивно, – вели Итуралде.
