Тренерот на Атлетико Мадрид Диего Симеоне докажа дека е подеднакво успешен во бизнисот како и на фудбалскиот терен, создавајќи со сопругата Карла Перејра вистинска империја на недвижности.
Според пишувањето на весникот „El Espanol“, парот во своја сопственост има дури 180 станови и седум станбени згради распоредени на најатрактивните локации во шпанската престолнина.
Фокусот на нивното работење е во самиот центар на градот, каде што поголемиот дел од недвижностите се користат за луксузно и краткорочно изнајмување.
Посебно се издвојува проектот во северната населба „Tres Cantos“, кој опфаќа две згради со импресивни 140 станбени единици.
Додека Диего е фокусиран на резултатите на тимот, главниот збор во водењето на компанијата го има неговата сопруга Карла, применувајќи модел на реновирање и изнајмување на туристи и деловни луѓе.
Финансиските извештаи за 2024 година покажуваат дека приходот од закуп го надминал износот од 330.000 евра.
Вкупната вредност на нивниот имот денес се проценува на речиси 20 милиони евра, што ја потврдува стабилноста на овој семеен бизнис.
Со вакви стратешки вложувања, популарниот Чоло си обезбеди себеси и на семејството завидно богатство што далеку ги надминува неговите спортски договори.
