Един Џеко пристигна во Белград на рехабилитација по повреда, а во српската престолнина беше одлично пречекан. Во неколку ресторани го почестија и му оставија убави пораки заедно со храната што ја нарачал.

Сега веќе 40-годишниот напаѓач не запира и сè уште игра за Шалке и националниот тим, но во бараж натпреварот за пласман на Мундијалот во 2026 против Италија доживеа тешка повреда. На крајот не шутираше ниту пенал на мечот на кој голот на Харис Табаковиќ ѝ донесе на БиХ израмнување за пенали и на крајот пласман на Светското првенство.

Тој ја повреди клучната коска, а иако првичните прогнози беа песимистички, по прегледите во Белград стана јасно дека нема да биде потребна операција и дека Џеко постепено може да започне со рехабилитација. Сигурно ќе се врати на терен за Мундијалот, а престојот во Белград, покрај снимањата и терапиите, го искористи и за посета на локалните ресторани.

Во првиот ресторан, Един Џеко доби парче торта, а на чинијата пишуваше: „Каде и да играш, ние сме тука – од Зеница до Америка! Среќно!“ Продолжи понатаму, а со парче баклава во следниот ресторан доби порака: „Капитенот не плаќа. Само нека погодува како и досега. За Един.“

Кога Џеко се враќа на терен?

Секако пред крајот на сезоната. Во Шалке очекуваат да одигра барем неколку натпревари во Цвајта лига до крајот на натпреварувачката година. Тој е неопходен за тимот, кој моментално е прв на табелата, но со само еден бод предност пред Падерборн, три пред Елверсберг и пет пред Хановер, додека и Дармштад со осум бода помалку останува закана.

По тоа следуваат подготовките за Светското првенство, како и натпревари против Швајцарија, Катар и Канада на мундијалската сцена.