Пол својот „Mk1 Focus“ го купил пред 16 години за само 500 фунти и, како што истакнува, автомобилот никогаш не го изневерил благодарение на редовното одржување. „Направен е пред сите непотребни додатоци да станат стандард, а овозможува и палење со вистински клуч, а не со притискање копче. Го купив мојот пред 15 години за 500 фунти и немам за што да жалам“, додава Пол, потсетувајќи на едноставноста и сигурноста што често недостасуваат кај модерните возила, пишува „Express“. Иако видеото е снимено пред 5 години, тоа не го менува фактот за издржливоста на овој автомобил.

Предноста на едноставните работи

Механичарот истакнува дека поедноставните автомобили, како „Ford Focus Mk1“, обично траат подолго и создаваат помалку проблеми на своите сопственици. Пол нагласува дека кај овој модел не станува збор за луксуз или технолошки додатоци, туку за основна функционалност и издржливост што во пракса има големо значење.

Од друга страна, експертот Вилијам Флечер смета дека „Toyota Yaris“ е најдобриот избор за британските патишта. „Скромната ’Toyota Yaris‘, 58-миот најпопуларен модел во Велика Британија, е еден од најсигурните автомобили на британските патишта, со илјадници сопственици кои не пријавиле дефекти во текот на една година. Благодарение на репутацијата на ’Toyota‘ за долговечност, ’Yaris‘ користи едноставна, проверена технологија и е многу сигурен“, изјави Флечер.

„Трошоците за поправки обично се ниски, автомобилот припаѓа на умерени осигурителни групи, а гаранцијата на ’Toyota‘ може да се продолжи до 10 години ако се сервисира во овластена мрежа, што го прави еден од најсигурните избори за безгрижно и достапно сопствеништво на автомобил“, додаде тој.