Едно лице загина, а 47 се повредени, додека навивачи се собирале на јужната трибина на стадионот „Алехандро Вилануева“ во Лима, пред фудбалското дерби помеѓу Универсидад де Депортес и Алијанс Лима, соопштија властите.
Инцидентот се случил вчера околу 18:00 часот за време на собир на навивачи познат како „бандеразо“, кога навивачите на Алијанс Лима мавтале со знамиња на стадионот познат како Матуте, во округот Ла Викторија, објави порталот „Инфобае“.
Според првите извештаи, дошло до уривање на структурата во близина на портата 13, но бригадниот генерал Маркос Пахуело од противпожарната служба негираше дека трибината претрпела структурни оштетувања.
„За жал, има еден смртен случај. Националната полиција истражува што се случило“, рече Пахуело, додавајќи дека инспекцијата на стадионот не покажала знаци на уривање или паѓање од трибините.
NEW: Wall collapse injures at least 60 during Alianza Lima gathering at Alejandro Villanueva Stadium in Lima, Peru ahead of match vs Universitario.pic.twitter.com/YVLayJfElv
— Resist Wire (@ResistWire) April 4, 2026
13 спасувачки единици пожарникари и осум екипи на брза помош биле испратени на местото на настанот за да им пружат помош на повредените.
Петнаесет лица биле префрлени во Националната болница на надбискупот Лоиза, а уште 15 во Националната болница Дос де Мајо, додека другите здравствени установи биле ставени во состојба на готовност.
Министерот за здравство на Перу, Хуан Карлос Веласко, изјави дека повредените претрпеле претежно трауматски повреди и дека сите ќе добијат медицинска помош во рамките на националното здравствено осигурување.
Полицијата го обезбеди просторот околу стадионот и започна истрага за да се утврди точната причина за инцидентот
