Купер Флег ја игра првата сезона во НБА лигата, а како прв пик на драфтот во 2025-та година, полека почна да покажува зошто беше најавуван како голема ѕвезда во колеџите.
Талентираниот играч на Далас рано утрово не можеше да му помогне на својот тим да избегне пораз од Орландо (127:138), но неговото блескаво издание доби историско значење, бидејќи Флег стана првиот тинејџер кој постигнал над 50 поени во првата сезона.
51 POINTS FOR COOPER FLAGG.
— NBA (@NBA) April 4, 2026
FIRST TEENAGER TO SCORE 50 IN AN NBA GAME 🚨 pic.twitter.com/kaZiyOTczI
Флег не е првиот дебитант со 50 поени во најсилната кошаркарска лига во светот, но дефинитивно е најмладиот кој остварил ваков учинок.
Неговиот 51 поен за жал не беше доволен да се избегне пораз на домашен терен, а најодговорни за таквиот расплет беа Картер со 28 и Бејн со 27 поени.
Од мечевите кои се играа рано утрово, за одбележување е и убедливата победа која ја оствари Њујорк, бидејќи Никси го размонтираа Чикаго со 40 поени разлика (136:96).
НБА резултати:
Шарлот – Индијана 129:108
Филаделфија – Минесота 115:103
Бруклин – Атланта 107:141
Њујорк – Чикаго 136:96
Хјустон – Јута 140:106
Мемфис – Торонто 96:128
Милвоки – Бостон 101:133
Далас – Орландо 127:138
Сакраменто – Њу Орлеанс 117:113
