Иако го задржува 2.9-литарскиот V6 битурбо мотор, новата генерација носи електрификација — но и значително зголемување на масата.
„Audi“ го претстави новиот "RS5", својот прв "RS" модел со "plug-in" хибриден погон.
Иако го задржува 2.9-литарскиот V6 битурбо мотор, новата генерација носи електрификација — но и значително зголемување на масата.
Во срцето на погонскиот систем е бензински V6 со 510 коњски сили, а со помош на електромотор од 177 коњски сили вкупната комбинирана моќност изнесува 640 коњски сили, додека максималниот вртежен момент е 825 Nm.
Силата на тркалата се пренесува преку осумстепен автоматски менувач и унапреден „Quattro“ погон.
Забрзувањето до 100 км/ч трае 3,6 секунди, додека максималната брзина е електронски ограничена на 285 км/ч.
Батеријата со капацитет од 25,9 kWh овозможува возење на струја до 87 километри во градски услови, а полнењето трае околу два и пол часа.
Сепак, најголемата промена е масата. "RS5 Avant" во европската спецификација тежи 2.370 килограми, што е дури 625 кг повеќе во однос на претходникот.
Интересно е што сега е потежок и од поголемиот модел „Audi RS6 Avant" со V8 мотор.
Дизајнерски, новиот "RS5" носи проширена каросерија, големи овални издувни цевки, изразени отвори за воздух и опционални керамички сопирачки зад 20-или 21-инчни тркала.
Достапни се и детали од карбонски влакна. Во понудата се седан (поточно, петвратен лифтбек) и попрактичниот "Avant" (караван).
Во кабината доминираат спортски седишта со функција за масажа, троен дигитален екран и управувач со RS копчиња за брза промена на режимот на возење и активирање на „boost“ функцијата во траење од 10 секунди.
Продажбата во Европа започнува во првиот квартал од 2026 година, по цена од 106.200 евра за седан и 107.850 евра за "Avant".
