Голем број примероци биле толку големи и тешки што морале да бидат отстранети со багер додека експертите се обидуваат да ја утврдат причината за инцидентот.

Експертите се на терен

Сè започнало кога мразот се стопил во странична растока на Дунав, позната како „Schönauer Wasser“. Минувачите тогаш забележале застрашувачка сцена.

Претставници на Управата за заштита на животната средина пристигнале на местото на настанот. За само еден ден околу 650 риби биле извлечени долж бреговите на Дунав. Експертите предупредуваат дека ова не се сите примероци и дека веројатно има уште риби под ледената покривка, иако точниот број останува непознат.

Повеќето од мртвите риби припаѓаат на видот толстолбик, која може да достигне должина до 1,5 метри и тежина од околу 50 килограми. Огромни сомови и штуки исто така биле извлечени на брегот, пренесе „Билд“.

„Некои примероци беа стари помеѓу 15 и 20 години. Еден сом беше долг 2,4 метри“, изјавил локален рибар.

Најавено патолошко испитување

Жителите веруваат дека поморот на рибите е последица на недостиг на кислород во водата, предизвикано од низок водостој во дебелите слоеви мраз.

Од друга страна, претставниците на локалното рибарско здружение имаат поинакво мислење. „Веројатно се работи за природна смрт. Рибите често остануваат залепени за мразот“, изјавил Мартин Генсер.

За да се утврди причината за поморот најавено е патолошко испитување на некои примероци. Експертите се надеваат дека резултатите ќе понудат јасна слика за инцидентот кој ги вознемири локалната заедница и љубителите на природата.