Ол-стар натпреварот се одигра синоќа во Лос Анџелес, а една од највиралните сцени е поврзана со Никола Јокиќ и Карл-Ентони Таунс.
Имено, ѕвездата на Њујорк Ник во соблекувалната пристигнал со јакна на која е прикажан Свети Ѓорѓи како убива змеј, а изненадениот Јокиќ се доближил до него велејќи дека тоа е „српска работа“.
„Ја добив од Аиме Леон Доре. Направени се само 25 јакни со овој мотив. Навистина ми се допаѓа јакната, таа е вистинско уметничко дело. Ми се допаѓа како се изработени шефовите и сите детали, особено шаблонот по кој е изработена. Добив специјален примерок направен во моја големина. Навистина не знаев дека е дел од српското наследство. Го поздравувам Јокиќ, му благодарам. Ќе мора да учам лекции од историјата“, им рекол Ентони Таунс на новинарите.
Јокиќ додал: „Му ја видов јакната и гледам нешто познато. Не згрешив, бев во прави, нели?“.
Инаку мотивот на Свети Ѓорѓи како убива змеј е еден од најпознатите во христијанската симболика, а змејот на сликата претставува многубожечка сила која „проголтала“ бројни невини христијани.
Свети Ѓорѓи бил висок офицер на римската војска и воен херој, но бил христијанин што му открил на царот Диоклецијан кој бил голем прогонител на христијаните.
Царот наредил Ѓорѓи да биде затворен, во затворот тој бил мачен и убиен, а православните го слават неговиот ден како Ѓурѓовден, што е втора слава во Србија по број на луѓе што ја слават.
