Нејзината авантура ја споделила во видео.

Мрачната историја на „Островот на антракс“

Ненаселениот остров Груинард, сместен покрај западниот брег на Шкотска, за време на Втората светска војна служел како полигон за тестирање биолошко оружје. Британската војска во 1942 година таму спроведувала експерименти со антракс, поради што островот станал сериозно контаминиран и со години бил опасен за какво било присуство.

Поради тоа го добил прекарот „Островот на антракс“. Пристапот до овој остров, долг само два километри и широк околу еден, бил строго забранет сè до 1990 година, кога Министерството за одбрана официјално соопштило дека повторно е безбеден.

Во потрага по вистината

Ниту мрачната минато не ја обесхрабрила Ели. Во видеото објавено минатата година, таа раскажала како сака да истражува „забранети места на Google Maps“, а токму тоа ја одведе до Груинард. Тaa тврдела дека островот е „речиси избришан од картите“ и посакала лично да отиде таму.

„Сакам да најдам некој доволно луд локалец кој ќе ме однесе на островот за да видиме дали антраксот се уште е таму“, рекла. Таа разговарала со неколку локалци, кои ѝ раскажале различни теории на заговор за островот: дека под островот се крие тајна воена база, дека антраксот е само изговор, и дека таму живеат огромни црни зајаци кои јадат луѓе.

На крајот таа запознала кајакар по име Вил кој се согласил да ја однесе до тоа таинствено место.

„Убава, но застрашувачка авантура“

По еден час веслање, провлекување низ пештери и избегнување на карпи, конечно стигнале до островот. Ели признала дека не ѝ било сеедно, но љубопитноста победила.

„Колку и да се плашам сега, можеби ова ни е единствената шанса да го истражиме островот кој со години бил скриен од светот и да провериме дали сите тие луди приказни се вистинити“, рекла. Кога пристигнале во шљунковитиот залив , Ели забележала дека островот на прв поглед не изгледа ништо посебно. Таа признала дека „не гледа никаков антракс“, ниту нешто што би изгледало сомнително. „Не гледам никакви лови луѓе зајаци ниту нуклеарни бункери“, се пошегувала таа.

На крајот заклучила: „Иако го истражувавме местото на мрачната минато, на крајот доживеавме прекрасна, иако малку застрашувачка авантура.“

Што е антракс?

Антракс, познат и како чир на бутот или црн гној, е потенцијално смртоносна болест предизвикана од бактеријата Bacillus anthracis. Неговите спори можат да преживеат со години во почва и вода, дури и во многу тешки услови. Поради овие својства, антракс бил користен како биолошко оружје во најмалку пет земји: Велика Британија, Јапонија, САД, Русија и Ирак.

Заразата може да се пренесе преку допир, голтање или вдишување на спорите, при што вдишувањето е најопасната форма. Околу 80% од заразените во тој случај не преживуваат, понекогаш дури ни со итна медицинска помош.

Првиот документиран случај на користење на антракс како оружје е забележан во 1930-тите, кога Јапонците намерно заразиле илјадници воени заробеници.

Во нападите во САД во 2001 година, писма со спори биле испратени до медиумите и политичарите, заразувајќи 22 лица, од кои пет починале. Главниот осомничен, експерт за биолошка одбрана д-р Брус Ивинс, извршил самоубиство во 2008 година пред да биде подигната обвинителна пријава.

Пожар на островот

Островот Груинард повторно се најде во вестите во 2022 година, кога на него избиле пожари видливи од копното. Кејт Гиринг, жителка на блиското село Олтбиа, ја опишала глетката како „апокалиптична“, велејќи дека изгледало како „пеколски оган“.