Зборуваме за Словенија - земја со население од нешто повеќе од два милиони жители, која, како што вели тој, доживува вистински туристички бум.

„Сепак, и покрај растот, многу луѓе сè уште ја прескокнуваат и претпочитаат да ги изберат „безбедните“ класици“, вели Тејлор.

Според „Дејли меил“, бројот на посетители на Словенија се зголемил за девет проценти минатата година, а се проценува дека странските туристи ќе резервирале 7,3 милиони ноќевања во 2025 година. Речиси милион пристигнувања се регистрирани само во јули.

Патувањето започна во Љубљана

Тејлор го опиша своето шестдневно патување како „исполнето, но мирно“ и ја нарече Словенија „најдобрата од запоставените земји“. Тој го започнал своето патување во Љубљана, за која вели дека е идеална почетна точка поради нејзиниот компактен распоред.

„Градот има околу 300.000 жители. Шеталиштето покрај реката е очигледен белег, но мноштвото улички и големината „на дофат на раката“ ја прават Љубљана совршена за истражување пеш“, рекол тој во видеото.

Тој додал дека е невозможно да се пропушти најдоминантната точка во центарот - Љубљанскиот замок.

„Вреди да се посети“, изјавил тој. До замокот може да се стигне пеш по стрмна патека од центарот или со кратко, двоминутно возење со жичница. Меѓу атракциите, тој го истакнал 4Д филмот за долгата историја на замокот.

Тој исто така споменал дека за него било интересно да научи нешто за поновата историја на земјата, истакнувајќи дека Словенија постои во сегашната форма дури од 1991 година, по распадот на Југославија.

Блед и пештерата Постојна

По Љубљана, Тејлор и неговата сопруга Чиаки се упатиле кон езерото Блед, познато по својот остров-црква како од бајки и драматичниот алпски пејзаж.

„Тој мир и тишина - тоа е она што секогаш ќе го паметам“.

Еден од најважните моменти од патувањето била посетата на пештерата Постојна, која ја опишал како место кое го оправдува својот углед. Посетителите патуваат со воз низ подземни тунели, а турата трае околу 90 минути.

„Ова е првата подземна железница во светот. Речиси четири километри пруга служат како импресивен влез во јамата Постојна - огромен систем од премини и тунели“, објаснил тој.

Додал дека најголемиот дел од искуството е самата големина на пештерскиот систем: длабок е околу 120 метри и долг 24 километри, а просторот е исполнет со сталактити и сталагмити.

„Словенија“, истакнува Тејлор, „не е само за лесни прошетки и разгледување. Тиркизната Соча е популарна меѓу ентузијастите за сплавови, а планинскиот терен ги привлекува оние кои се желни за искачување на кањон и адреналин“.

Дејли Меил: „Словенија е скриениот бисер на Европа“

„Дејли Меил“, исто така, во својот напис забележува дека летовите до Словенија се достапни од неколку аеродроми во Велика Британија - вклучувајќи ги Хитроу, Манчестер, Бристол и Единбург - и, според нивните податоци, цените може да се најдат на „Skyscanner“ почнувајќи од 50 евра. Затоа ја претставуваат Словенија како една од поповолните „скриени бисери“ на Европа.