На 79 години, иконата на акционите филмови не престанува да инспирира милиони обожаватели низ целиот свет, а неговата последна објава на Инстаграм е совршен пример за неуништливиот дух што го прослави. Сталоне сподели видео од својата домашна теретана, испраќајќи моќна порака за упорността и борбата против стареењето.

Во видеото, објавено од неговата луксузна резиденција во Палм Бич, го гледаме Сталоне во црна спортска облека како им се обраќа на своите следбеници. Неговото мускулесто тело и одлучен поглед зборуваат дека откажувањето никогаш не било опција. Заедно со видеото, тој сподели и искрена порака што одекна кај неговите обожаватели.

„Секоја година станува сè потешко и потешко, но затоа мора да туркаш сè посилно и посилно. Крв, пот и солзи“, напишал актерот.

Објавата во краток рок предизвика лавина од позитивни реакции и коментари со поддршка.

„79 години! Легенда“, „Господине Сталоне, вие сте најголемиот пример! На светот му требаат повеќе луѓе како вас“, се само некои од пораките на восхит.

Многумина истакнаа дека актерот им служи како вечна мотивација.

„Жива легенда. Токму оваа мотивација ми требаше денеска“, напиша еден обожавател.

Актерот се подготвува за бројни проекти што го очекуваат оваа година. Во моментот е во продукција четвртата сезона од популарната серија „Кралот на Талса“ (Tulsa King), во која ја игра главната улога на Двајт Манфреди. Тој ќе ја игра истата улога и во спин-оф серијата „НОЛА крал“ (NOLA King), каде што ќе глуми наспроти Семјуел Л. Џексон, а снимањето ќе започне во февруари.

Во подготовка е и филмот „I Play Rocky“ на режисерот Питер Фарели, кој ја следи настанувањето на култниот „Роки“ од 1976 година. Сталоне неодамна потсети дека според него „Роки“ не е спортски филм, туку пред сè љубовна приказна – и дека филмот „успева или пропаѓа“ токму врз основа на емоцијата, а не на борбите.

Покрај неговите актерски ангажмани, Сталоне ќе ги објави и своите мемоари под назив „Чекорите“ (The Steps) во мај, во кои детално ќе го опише својот пат кон славата и креативниот процес зад франшизите како „Роки“ (Rocky) и „Рамбо“ (Rambo).

Во брак е 28 години

Говорејќи за тоа како сака луѓето да го паметат, Сталоне изјави дека би сакал да биде симбол дека и „просечна личност“ може да надмине огромни пречки.

Во приватниот живот е 28 години во брак со Џенифер Флавин, со која има три ќерки – Софија, Систин и Скарлет. Парот кратко се разделил во 2022 година, но наскоро се помирија. Од првиот брак со Саша Цак го има синот Сеџор, а постариот син Сејџ почина во 2012 година на 36 години.