Мет Дејмон одбил да повтори една од своите најпознати улоги, и тоа по наговор на сопствената мајка

Како што пишува „Far Out Magazine“, станува збор за проект поврзан со неговиот славен лик Џејсон Борн.

По големиот успех на филмската франшиза за тајниот агент Џејсон Борн, Дејмон добил понуда повторно да го отелотвори истиот лик, овој пат во видеоиграта „The Bourne Conspiracy“, која требало да го прошири светот познат од филмскиот серијал „The Bourne Identity“ и неговите продолженија.

Иако учеството во проектот било логичен потег со оглед на популарноста на франшизата, актерот на крајот одлучил да се откаже.

Пресудна улога во таа одлука имала неговата мајка, која по професија е наставничка. Таа сметала дека учеството во насилна видеоигра може да испрати погрешна порака до помладата публика. Дејмон, според наводите, го уважил нејзиното мислење и заклучил дека не сака да биде дел од проект што би можел да има негативно влијание врз децата и тинејџерите.

Тоа не било првпат неговата мајка да се вмеша. Кога размислувал дали да се изгладнува и да замине во џунгла за да снима со Вернер Херцог – што е искуство кое повеќето актери со задоволство би го прецртале од својата листа на животни желби – неговата мајка Ненси се вмешала и му предложила можеби да размисли да направи нешто позабавно.

Станува збор за филмот „Rescue Dawn“, воена драма во режија на Херцог. Улогата на крајот ја одигра Кристијан Бејл.