По јадење, кај некои луѓе се јавуваат болки во стомакот или дури дијареја поради силни грчеви на дебелото црево, што се објаснува со гастроколичниот рефлекс.
Овој природен физиолошки одговор и празнењето по оброк се нормална појава, бидејќи го стимулира долниот дел од дигестивниот тракт по јадењето, овозможувајќи му на организмот да ослободи простор за нова храна.
Според гастроентерологот доктор Џозеф Салхаб, кога желудникот се растегнува, тој испраќа сигнали до мозокот, кој потоа го активира дебелото црево. Тоа предизвикува потреба за празнење, но при тоа се исфрла веќе сварена, „стара“ содржина, а не новата храна.
@thestomachdoc Do you poop immediately after eating? This is why it happens. #diarrhea #poop #ibs #ibstok #guthealth #guttok ♬ original sound - Dr. Joseph Salhab
Луѓето со синдром на иритабилно црево (IBS) можат да имаат поизразени реакции, со болки, грчеви и дијареја. Доктор Салхаб препорачува диета со низок FODMAP (ферментабилни олигосахариди, дисахариди, моносахариди и полиоли), која помага да се идентификуваат намирниците што го иритираат дигестивниот систем. Тој исто така советува да се избегнуваат газирани пијалаци, алкохол, цитрусни плодови, млечни производи и пржена храна, пишува „tyla“.
Овој рефлекс не е болест, туку нормален процес на варење.
