Партизан се обидува да сврти нов лист по заминувањето на Жељко Обрадовиќ и ако се суди по двата први натпревари екипата реагираше и забележа победи над Баерн Минхен во Евролигата и Клуж во АБА лигата.
Атмосферата и понатаму е далеку од идеална, но клубот мора да функционира и да се фокусира на предизвиците во различните конкуренции. Во изнинативе денови се појавија информација дека „црно-белите“ се обидуваат да активираат една НБА „бомба“ и во своите редови да го донесат „снајперистот“ Малик Бизли.
Бизли има одиграно над 600 натпревари во НБА за Денвер, Лејкерс, Милвоки, Јута, Детроит, Минесота, но во моментов е слободен агент.
Се споменуваше „солена“ сума на пари, меѓутоа по се изгледа ништо нема од трансферот иако дефинитивно било разговарано на оваа тема.
-Таа вест е преувеличена. Разговаравме и постои некаква рамка, но во овој момент не сме ни блиску до затворање или реализација, - порачал агентот Брајан Џангрејс.
И самиот Бизли порачал дека не доаѓа во Србија.
-Не доаѓам во Србија-
